足彩分析：火力强劲围攻瓜德罗普 加拿大主演入球骚

美洲金盃D组首仗，主办国之一嘅加拿大迎战弱旅瓜德罗普。加拿大足球近年进步神速，上届金盃杀入4强，上年仲进身世盃决赛周，实力喺中北美洲已达一线水平，进攻火力足够摧毁陪跑嘅瓜德罗普，3.5球入球大可以放心捧场。（无綫myTV SUPER周三早上7时直播）

加拿大今届虽然未有派遣最强阵容出战，艾方素戴维斯、约拿芬大衞等球星都冇入选，不过英格兰籍领队靴文贯彻主攻踢法，阵中亦有雷丁前锋凯列特、波图中场尤斯达基奥等星级战将，火力有保证。加拿大喺近6场金盃分组赛，有5次总入球开4球或以上，主攻踢法明显。

鱼腩瓜德罗普战斗力不足，佢哋喺金盃决赛周已经连输8场，今届志在参与，面对任何球队都唔会死守，瓜德罗普上届3场分组赛都成功入波，显示佢哋崇尚进攻，今仗亦唔会怕同加拿大斗攻，3.5球入球大值得再追。