名家推荐：海地快乐足球做大骚

听朝美洲金盃上演B组次轮赛事，由海地火并中北美洲班霸墨西哥。海地一向踢「快乐足球」，入得又失得；墨西哥之前喺中北美联失冠，誓要於金盃卷土重来，有利今仗合演入球骚，2.5球大盘咪错过。

海地虽然唔系咩传统劲旅，但近年喺金盃表现唔曳，之前12届有8次进身决赛周，其中4次杀入淘汰赛阶段，2019年更获得季军，超额完成。佢哋以进攻为主，崇尚快乐足球，各项赛事近6仗全胜之余，狂轰24粒，全开3球或以上，尽管对手只系圭亚那及蒙特塞拉特等鱼腩，以及喺金盃首轮以2比1击败卡塔尔，不过连场报捷，一班球员信心爆晒棚，加上面对劲旅墨西哥，球员判输嚟打冇心理包袱，一於同对手斗攻，希望有意外收获。

另一边厢，墨西哥继上年世盃分组赛出局後，早前中北美联亦只能获得季军，认真失威，如今转战金盃必定剑指冠军，希望挽回面子。墨西哥首轮大炒洪都拉斯4比0，霸气尽露，中场路尔斯洛慕梅开二度，佢先开纪录嗰球更系开波仅约50秒，非常抢缰，呢位蒙特雷球员属东京奥运夺得铜牌成员之一，上年世盃虽然有入选但未曾上阵，今次誓要喺金盃证明自己，必定拚尽。墨西哥为争取提早出线，必定抢攻唔留手，有利出现入球骚，大盘有计。